Nepal – the country of the Buddha and the Mt. Everest

Peace comes from within. Do not seek it without – Buddha

Archive for the ‘लेख/ रचना /निबन्ध’ Category

भावी पुस्तालाई च्यात्तिएको होइन, सग्लो नेपाल; अधुरो, अपुरो र अधकल्चो होइन सिङ्गो नेपाल – श्वेता खड्का

Posted by Ram Kumar Shrestha on May 24, 2020

YP (2)  वुद्धको धर्तीमा जन्मिएकी नाताले बम र बारुदको बिस्फोटनले गरेको युद्धभन्दा मन र मस्तिस्कको सम्म्रिश्रणले लडेको युद्ध सफल हुने विस्वासका साथ संवाद, शान्ति र सौहार्द्ध ब्यवहारमा विश्वाश । अत: सबैले संयमित हुँदै राष्ट्रिय स्वाधिनतालाई जोगाउन जोड । हामीले हाम्रो भावी पुस्तालाई च्यात्तिएको होइन, सग्लो नेपाल; अधुरो, अपुरो र अधकल्चो होइन सिङ्गो नेपाल; लोलाएको, सेलाएको र झोक्राएको होइन कलकलाएको, फुलेको र फलेको नेपाल दिनुछ भन्दै समस्त नेपालीहरु एक ढिक्का हुन आग्रह । काँग्रेस र कम्युनिस्टको सोच त्याग्दै, जातिय संकिर्णतालाई भुल्दै र धार्मिक पर्खाललाई भत्काउँदै कायम गरिने हाम्रो एकता नै हाम्रो लागि सबैभन्दा ठूलो आणविक ‘क्षप्यास्त्र’ हुने

Profile Pictureनेपालको जारी नयाँ नक्सा र छिमेकी भारतसँगको पछिल्लो विवादबारे थुप्रै नेपाली सेलिव्रेटीले आफ्नो अभिव्यक्ति राखिरहेका छन् । बलिउड नायिका मनिषा कोइरालाको एउटा ट्विटले त भारतमा भूकम्प नै ल्याइदियो । ‘भारतको मिचाहा प्रवृत्ति नेपाली जनताले सहँदैनन् । ….म यो भन्दिनँ, इतिहासमा हाम्रो कमजोरी थिएन, हामीले सम्झौता गरेनौं । जे होस्, हामीले हाम्रो स्वतन्त्रता बचाउन र सार्वभौमिकताका लागि त्यो त्याग गरेका हौं । यहाँको जनता अब कुनै पनि प्रकारका अन्याय हेरेर बस्नेवालामा छैन । यो अब सरकारको विषय मात्र होइन । यो मुद्धा अब हरेक नेपालीको हो । …..ऐतिहासिक प्रमाणले भन्छ कि लिम्पियाधुरा, कालापानी र लिपुलेक नेपालको हो । यो राष्ट्रको नागरिकका हिसाबले हामी हाम्रो छिमेकी राष्ट्र भारतसँग हाम्रो क्षेत्रको सत्यतथ्य, इतिहास हेरेर यो मुद्धासँग न्यायिक ढंगले व्यवहार गर्न अनुरोध गर्छौं ।’ – महानायक राजेश हमाल भन्छन ।

नायिका, निर्मात्री, सफल ब्यबसायी तथा समाजसेवी श्वेता खड्काले पनि यो जल्दोबल्दो विषयमा आफ्नो अभिव्यक्ति सार्वजनिक गरेकी छिन् । बिहिबार फेसबुकमा लामो स्टाटस लेख्दै श्वेताले आफ्नो भनाई राखेकी हुन् । श्वेताले आफ्ना अभिब्यक्तिमा प्रकाशित नयाँँ नक्सा र सीमाको मात्रै नभएर महत्वपूर्ण धेरै क्षेत्रलाई समेटेकी छिन् जुन सबैले बुझ्नु आबस्यक भएकोले उन्ले ब्यक्त गरेका सबै बुँदाहरुलाई संक्षेपमा राखेको छु:

१. मन्त्रिपरिषद्को सोमबारको बैठकले भारतद्वारा अतिक्रमित लिम्पियाधुरासहित ३३५ वर्गकिलोमिटर भूमि समेटिएको नेपालको नक्सा पारित गरेकोमा नेपाल सरकारलाई धन्यवाद ज्ञापन;

२. सारा संसारनै कोरोनाको संकटमा जुधिरहेको मौका छोपेर नेपाली भूमि हुंदै मानसरोवर पुग्ने बाटोको उद्घाटन गरी नेपालको सर्वभौमिकतामाथि धावा बोल्ने छिमेकीका बिरुद्ध सबै नेपाली एकताबद्ध भएकोमा खुशियाली ब्यक्त;

३. नेपालको नक्सामा अतिक्रमित लिम्पियाधुरासहित ३३५ वर्गकिलोमिटर भूमि समाहित गर्नुलाई सफलताको एउटा कडी मान्न सकिए तापनि अतिक्रमित हाम्रो भूमिलाई निर्वाधरुपमा प्रयोग गर्न पाउनु अबको हाम्रो अर्को चुनौति; Read the rest of this entry »

Posted in Article, बिबिध, लेख/ रचना /निबन्ध | Leave a Comment »

राष्ट्रपति र प्रधानमन्त्रीले नैतिकताको आधारमा राजिनामा दिनु वुद्धिमानी

Posted by Ram Kumar Shrestha on April 26, 2020

रामकुमार श्रेष्ठ

संवैधानिक परिषद् (काम, कर्तव्य, अधिकार र कार्यविधि) सम्बन्धी पहिलो संशोधन अध्यादेश, २०७७ र राजनीतिक दलसम्बन्धी दोस्रो संशोधन अध्यादेश, २०७७ – म ताक्छु मुढो, बन्चरो ताक्छ घुँडो बन्न पुग्यो राष्ट्रपति र प्रधानमन्त्री दुबैका लागि । भबिस्यमा मन्त्रिपरिषद, प्रधानमन्त्री र राष्ट्रपतिको गरिमा स्खलित हुने यस्ता घटना नहोस । किनकि यस्ता घटनाले देशकै गरिमा पनि स्खलित हुन्छ ।

Tukka coupleगत सोमबारको मन्त्रिपरिषदद्धारा अकस्मात जारी गरिएका संवैधानिक परिषद् (काम, कर्तव्य, अधिकार र कार्यविधि) सम्बन्धी पहिलो संशोधन अध्यादेश, २०७७ र राजनीतिक दलसम्बन्धी दोस्रो संशोधन अध्यादेश, २०७७ नाटकिय ढंगले राष्ट्रपतिद्धारा तुरुन्तै स्वीकृत गरी आस्चर्यमा पार्ने गरी तुरुन्तै राजपत्रमा समेत प्रकाशित गरी सार्वजनिक गरिएकोमा विपक्षी दल र सत्तारुढ नेकपाभित्र मात्रै नभएर सर्वत्र विराेध भएपछि शुक्रवार बसेकाे मन्त्रिपरिषदकाे बैठकले अध्यादेश फिर्ता लिने निर्णय गर्‍यो । मन्त्रिपरिषद्को सिफारिसमा राष्ट्रपति विद्यादेवी भण्डारीले शुक्रवार नै अध्यादेश खारेज गरेकी छिन् ।

मन्त्रिपरिषदको बैठक हुनु अघि पनि त्यहाँ उठान गरिने सबै बिषय कार्यसूचिमा राखेर २४ घण्टा अगाडि नै सबै मन्त्रीहरुलाई जानकारी दिनु पर्ने हुन्छ, त्यो पनि नभएको र मन्त्रीहरुलाई समेत थाहै नभै ती अध्यादेश ल्याइएको र मन्त्रिपरिषदबाट निर्णय भएपछि पनि सामान्यत: २४ घण्टा पर्खने नियम छ र त्यो पनि नगरी राष्ट्रपतिद्धारा तुरुन्तै स्वीकृत गरी मन्त्रिपरिषदको बैठक भएको एकाध घण्टामा नै राजपत्रमा नै प्रकाशित गरिएकोले यस्लाई अत्यन्तै नाटकिय भन्नै पर्ने हुन्छ । यो पहिलादेखि नै सबै पक्ष तयारी अवस्थामा नरही सम्भब हुने कुरै होइन, तर यो बिषयले मन्त्रिपरिषदमा सो दिन प्रबेश पाउने कुरामा न त मन्त्रीहरु नै जानकार थिए न त नेकपाका शिर्ष नेताहरु नै । यसैले पनि यस्लाई सुनियोजित भन्न अनकनाइराख्नु पर्ने देखिन्न जस्का लागि राष्ट्रपति भण्डारी र प्रधानमन्त्री वली पूर्णत: जानकार भएको देखिन्छ । यस्ले देशको यस्ता सर्बोच्च पदप्रतिको जन आस्थामा ठूलो ठेस लाग्नु अस्वाभाबिक होइन ।

Read the rest of this entry »

Posted in Article, लेख/ रचना /निबन्ध | Leave a Comment »

गोरखालीले गन्धर्बको महत्वलाई बुझ्न ढिलाई गर्न हुँदैन

Posted by Ram Kumar Shrestha on April 5, 2020

रामकुमार श्रेष्ठ

Patrick-Debacker

                                     Patrick Debacker द्धारा १९८५ मा खिचिएको गर्भे गन्धर्भ

एनआरएन फ्रान्सका पूर्व अध्यक्ष एबं फ्रान्समा बस्ने नेपालीहरुका अभिभावक हरिहर अर्यालले आफ्नो कविताको “ऊ त पण्डित हो” मा नायक बनाउनु भएको हाम्रा स्थानीय लोक संस्कृतिका धरोहर मानिने लोक कवि स्व. गर्भे गन्धर्बको यो फोटो सन १९८५ मा फ्रेन्च फोटोग्राफर Patrick Debacker ले खिच्नु भएको रहेछ । त्योभन्दा पनि पहिला म सानो छंदैमा एकजना अमेरिकनले त्यो बेलामा बिरलै देख्न पाइने टेप रेकर्डरमा झुत्रा गन्धर्भको गीत धारापानीमा रेकर्ड गरेका थिए । रेकर्ड गर्ने काम बेलुकी भएको थियो । असारे भाकामा गाइेएको सो गीत झन्डै एक घण्टा लगातार गाएको देखेर ती अमेरिकन छक्क परेका थिए । Read the rest of this entry »

Posted in Article, लेख/ रचना /निबन्ध | Leave a Comment »

सामाजिक र राजनीतिक कोरोनापछि प्राकृतिक कोरोनाको आक्रमणमा, न्यायोचित ब्यबस्थापन?

Posted by Ram Kumar Shrestha on April 5, 2020

रामकुमार श्रेष्ठ

Bohara-249x300मंगलबार दिउँसो करिब १ बजे, महाकाली नदी पारिपट्टि किनारमा बैतडीको डिलासैनी गाउँपालिका–२ सिमराका २१ वर्षीय लोकेन्द्र बोहराले एकाएक लुगा फुकाले, लुगा झोलामा हाले, झोला टाउकोमा बाँधे, अनि महाकालीमा हेलिए र केही बेरमै वारि किनार आइपुगे । घरमा कमाउने कोही नभएपछि दुई महिनाअघि गाउँका साथीसँगै रोजगारीका लागि भारत गएका उनी चैत नलाग्दै कोरोनाको हल्ला फैलिएपछि दुई दिनसम्म लगातार हिँडेर सोमबार धार्चुला आइपुगे र त्यहाँ अन्य नेपालीलाई राखिएको ठाउँमा खाना खाएपछि कान्जीहाउसमा शौचालयको छतमा रात काटी मर्नै परे पनि आफ्नै देशमा मर्ने भनेर महाकाली नदी पार गरे लगत्तै प्रहरीको पक्राउमा परे ।

उनीसहित १३ जनाको समूह भारतबाट आइतबार बिहान हिँडेर सोमबार बेलुका सीमावर्ती क्षेत्र बालुवाकोट आइपुगेका हुन । उनीसँगै अन्य ६ जना पनि महाकाली तरेर नेपाल छिरेका छन् । पौडिन सक्ने तरेर आए, तर नसक्ने सयौँ नेपाली भारतीय क्षेत्रमै अलपत्र छन् ।

भारतीय प्रहरी र पसलेले नेपालीलाई अपराधीको जस्तो व्यवहार गर्ने बोहराको भनाइ छ । पुल बन्द गरेर पारिपट्टि नै खान र बस्नको व्यवस्था गरिए पनि अव्यवस्थित र फोहोरले झन् संक्रमणको डर रहेको कारण डरले आइतबारदेखि केही नखाएको उन्को भनाइ छ । Read the rest of this entry »

Posted in Article, लेख/ रचना /निबन्ध | Leave a Comment »

नेपाल आइडल र नेपाली एडेलहरु

Posted by Ram Kumar Shrestha on February 2, 2020

Nepali-Adele

करीब ढाइ बर्ष अघि बर्तमान नेपाली सांगितिक क्षेत्रका एक चर्चित ब्यक्तित्व सोनुप पौडेल भाईले एउटा गीतको प्रसंशा गरेर गर्नु भएको पोस्टको लिंक मार्फत एउटा गीतमा पुगें उहाँले प्रसंशा गरिने गीत सामान्य हुने भन्ने कुरै नभएकोले । सो गीतभित्र पसेपस्चात त्यस्लाई मैले धेरै पटक हेरें । नेपाली मूलको नयाँँ पुस्ताद्धारा गाइएको बिशेषत: सो गीतको १:४५ र २:१० समयको वरिपरिको केही सेकेण्डका क्षणहरु अत्यन्तै सेन्सेसनल छन । सोनुप भाईको स्टाटसलाई आधार बनाएर सो गीतको बारेमा समाचार पनि प्रकाशित भए । अभिशेक गुरुङ र कामाक्षी राईद्धारा गाइएको Meghan Trainor को यो गीत better than original भन्ने कमेण्टहरु पनि देखिए । सो गीतको लिंक जानकारीको लागि https://www.youtube.com/watch?v=DLR6lg39UBY

सन २००१ मा वेलायतबाट शुरु गरिएको पप आइडल १६ बर्षपछि नेपालमा शुरु गरिएपस्चात दोश्रो सेसनमा आइपुग्दा नै यस्ले ठूलो फड्को मारिसकेको देखिन्छ । दोश्रो सेसनको अहिलेसम्ममा बाँकी रहेका र बिदा भएका स्वस्तिका बराल, रमिता शर्मा लगायत केही कलाकार अब्बल दर्जाका कलाकारको हैसियतको रुपमा स्वीकार्न निर्णायक् मण्डल हिचकिचाएका छैनन । त्योभन्दा अगाडी बढेर न्ह्यू बज्राचार्यले त देशले १०-१२ बर्षमा एउटा कलाकार जन्माउनेमा त्यो कलाकार यो समूहबाट पाउन सक्ने संभावनातर्फ समेत इंगित गर्नु भएको छ । यदि यो कार्यक्रम शुरु नहुँदो हो त यी सबै सांगितिक युवा निधिहरु सीमित समुदायमा नै सीमित हुन सक्थे । यही कार्यक्रमकै कारण यी कलाकारहरु सार्वजनिक मात्रै भैरहेका छैनन कि नयाँ पुस्ताका यिनीहरुले पुराना पुस्ताका अमूल्य निधिहरुलाई नयाँँ पुस्ताको बीच थप जीवन्त बनाउने महत्वपूर्ण सेतुको रुपमा समेत काम गर्दैछन । Read the rest of this entry »

Posted in Article, रोचक जानकारी, लेख/ रचना /निबन्ध | Leave a Comment »

यो फुच्चे चियादानीले नै लाखौंंको कारोबार गर्न सक्ने रहेछ त

Posted by Ram Kumar Shrestha on January 27, 2020

निधार हुन्छ चाडबाडमा टीका हुँदैन, थाकेसी निधाउने त्यो काखै हुन्न

5 (2)पाएकालाई दोबारिहाल्ने केहीको मानसिकताका कारण बिदेशमा समेत आफ्नो कामको लागि चालिसौं पचासौं हजार डलर बुझाउँदा पनि काम पनि नहुने तर पैसा पनि फिर्ता नहुने कारणले गर्दा जवान अवस्थामा नै सुत्नका लागि ट्याबलेट खान पर्ने अवस्थामा पुगेका पनि भेटिन्छन् काम गरिदिने प्रलोभनमा फसाउनेहरु नै खादा ओढेर ड्यासमा बस्दै भाषण छाँट्ने हैसियतका भैदिने केहीका कारण ।

मध्यपूर्बतिर कमाउने जति कमाउन थोरै लगानीमा थोरै परिश्रममा नेपालमा नै बसेर पनि सम्भब देखिन्छ । त्यहाँ गएर थरी थरीका चक्रब्युह रच्नेहरुका जन्जाललाई संझिंदै गाली गलौज नगरी ढुक्कसंगको जीवन यापन किन नगर्ने ? साहिंली गीतमा जस्तै चालिस कटेपछिका सुखका सपनाले यथार्थ रुप लिने हो कि होइन, त्यसैले बुन्नै नपर्ने त्यो सपना बुन्ने किन?

रामकुमार श्रेष्ठ

यो फुच्चे चियादानीमा एकपटकमा ५ कप चिया बन्छ र दिनभरीमा ५० कप चिया बेच्नु कुनै कठीन काम होइन यस्लाई पेशा नै बनाउँदा । यो हिसाबले बर्षभरीमा ३०० दिन मात्रै काम गर्दाको आम्दानी ३,७५००० याने कि मासिक ३१,२५० देखिन्छ । ६५% नाफा राख्दा पनि मासिक नाफा २०,३१२ रुपयाँ पचास पैसा देखिन आउँछ । यस्को साथमा राखिने आधारभूत कुराहरु बिस्केट, पाउरोटी, चाउचाउ आदि राख्दा मासिक नाफा नै २५,००० सजिलै हुन आउने देखिन्छ । घर घडेरी चर्को ब्याजदरमा बन्दकी राखेर मीठो बोली गर्दै धेरैको घर घडेरी क्वाप्लाक्कै खाने गाउँ घरका तथाकथित समाजसेवीलाई थप घर घडेरीको मालिक बनाउने संभावना दिंदै शहरतिरका अर्को मीठो आस्वासन बाँड्दै बिदेश पठाउनेहरुको चक्रब्युहमा फसेर मध्यपूर्बबाट बाकसमा फर्कने थप संख्याको संभावना बढाउँदै जानुभन्दा त परिवारसंग स्वच्छ हावापानीमा रमाउँदै यत्ति सजिलै थोरै लगानीमा नै उताकै जस्तो कमाइको संभावनालाई किन नस्वीकार्ने?

पाएकालाई दोबारिहाल्नेभन्दा ब्राण्ड कायम गर्ने सोंचले डढेको दूधको स्वाद आउने र अलिकति सुकुमेलको धुलो मिसाइदिने हो भने आफूले केही नगरे पनि यही चिया पसलको प्रचार प्रसार आफूले थाहा नपाएरै नेपालब्यापी भैदिन पनि सक्छ आफूकहाँ आउनेले गरिदिने प्रचार प्रसारका कारण । काठमाण्डौंमा जहाँँ बसे पनि बिशेष स्वादका कारण मालपुवा खान कालिमाटी नजिक पुग्थ्यौं । किसुनजीले चिया खाने गरेको बानेस्वरको चिया पसलमा मान्छेहरुको भीड लाग्ने गर्थ्यो बिशेष गरी उन्ले चिया खाने समयमा । Read the rest of this entry »

Posted in Article, लेख/ रचना /निबन्ध | Leave a Comment »

बिज्ञानको चुनौती: अनिता मूर्जानीमा पाँच हप्तामा घटित विस्वलाई चकित पार्ने तीन घटना

Posted by Ram Kumar Shrestha on January 26, 2020

Anita Moorjani२००६ को मार्चको पहिलो हप्तादेखि एप्रिलको दोश्रो हतासम्मको पाँच हप्तामा विस्वलाई चकित पार्ने तीन घटना घटित भए सिंगापुर जन्मेर हंगकंगमा बसोबास गरेकी भारतीय मूलकी अनिता मूर्जानी मार्फत । २००२ देखि क्यान्सर पीडित २००६ मा क्यान्सरको चौथो स्टेजमा पुगेकी अनिताको शरीर पुरै सुके तापनि शरीरमा लिम्फोमा क्यान्सरका कारण फोकाहरु देखिन्थे । एकदिन डाक्टरले २४ घण्टा जती उनी बाँच्ने जानकारी दिंदै आफन्तहरुलाई खबर गर्न भने अनुरुप उन्का श्रीमानले नजिकका सबैलाई खबर गरे । डाक्टरले भने अनुसार नै अनिताका सबै अंग प्रत्यंगहरु काम गर्न बन्द भएको जानकारी दियो कम्पुटरले । उनी २ फेब्रुअरीमा ३० घण्टा कोमामा रहिन । रुवाबासी चल्यो आफन्त बीच ।

यस्तैमा अच्चम्म भयो – कम्पुटरले उन्का अंग प्रत्यंगले काम गर्न शुरु गरेको जानकारी दियो । अस्पातलमा हस्याङफस्यांग र दौडधुप शुरु भयो । अनिता मृत्युबाट फर्किन र उनी त्यही अस्पतालमा उपचारमा रहिन ।

दोश्रो आस्चर्य, चार दिनमा उन्को शरीरका ट्युमरहरु ७० प्रतिशत हराउँदै गए भने पाँच हप्तामा क्यान्सरबाट पूर्णत: मुक्त भइन् र अस्पातलबाट छुटकारा पाइन्, तर मांशपेशीहरुलाई तन्दुरुस्त बनाउन केही महिना फिजियोथेरापीमा रहिन उनी ।

तेश्रो आस्चर्य, अनिताले उनी कोमामा रहँदा उन्को रेखरेखमा रहेका डाक्टर नर्सहरुका बीच भएका सबै कुराकानी, अाफ्ना भाई भारतबाट कुन प्लेनको कुन सिटमा बसेर कुन टिकटमा आएका, आमा कुन ट्रेनबाट आउँदा साथमा आउनेसंग गरिएका कुराकानीहरु सबै जस्ताका तस्तै बताइदिइन ।

उनी अचेत रहेको अवस्थामा उनी अर्को लोकमा मृत्यु भैसकेका आफ्ना बुवा र नजिकका साथीहरुसंग भेट्न पुगिन । त्यहाँ उनीहरुले उन्लाई आफ्नो शरीरमा फर्कन भने, तर उन्ले इन्कार गरिन रोगैरोगले ग्रस्त शरीरमा फर्कन । उनीहरुले सो शरीर ठीक हुने र डरमुक्त जीवन जिउनका लागि फर्कन भनेपछि उनी आफ्नो पुरानै शरीरमा फर्किन । Read the rest of this entry »

Posted in Article, लेख/ रचना /निबन्ध | Leave a Comment »

मिस नेपालपछि मकवानपुर नेपाल आइडल जन्माउने तर्खरमा?

Posted by Ram Kumar Shrestha on January 25, 2020

‘मिस नेपाल’ मात्रै नभएर ‘मिस नेपाल’ लाई नयाँ उचाइमा पुर्याउने र योप्रतिको अवधारणामा नै बिभिन्न किसिस्मले परिवर्तन ल्याउने श्रृंखला खतिवडा जन्माउने मकवानपुरमाथि ‘नेपाल आइडल सिजन ३’ जन्माउने दायित्व आइपरेको छ । मीठो स्वरकी धनी र अत्यन्तै सरल स्वभावकी स्वस्तिकाको भोटिङ कोड १२ रहेको छ र शुक्रवारदेखि खुल्ने भोटिङमा Respect and Rise app मार्फत पनि सहभागी हुन सकिन्छ ।

रामकुमार श्रेष्ठ

Swostika edited

‘नेपाल आइडल सिजन ३’मा मकवानपुरको हेटौंडा –८ कमाने निवासी स्वस्तिका ढकालले दर्शक र निर्णायकको मन जित्दै उत्कृष्ट १२ सम्म आफ्नो स्थान सुरक्षित गर्दै निकै चर्चा बटुलिरहेकी छिन् ।

‘मेघा राउण्ड’अर्थात अडिशन राउण्डमा ‘सालैजु’, ‘म आँखैमा राख्न’ जस्ता गित गाएर निर्णायकको मन जितेकी ढकालले पछिल्ला राउण्डहरुमा झनै राम्रो प्रस्तुती दिँदै आएकी छिन् । क्रमश ‘थिएटर राउण्ड’ र ‘पियानो राउण्ड’ मा पनि उनले राम्रो प्रस्तुति दिएकै कारण उनको गायनको चर्चा चुलिदै गएको छ ।

स्वस्तिकाले आगामी राउण्डका लागि पनि तयारी गरिरहेकी छिन । आगामी ‘गाला राउण्ड’मा प्रतुति दिएपछि शुक्रवारदेखि भोटिङ शुरु हुने भएकोले निकै मिहेनतका साथ तयारीमा जुटिरहेकी छिन् उनी । Read the rest of this entry »

Posted in Article, लेख/ रचना /निबन्ध | Leave a Comment »

दृष्टिबिहिन अमिट केसी सगरमाथा आरोहण अभियानमा

Posted by Ram Kumar Shrestha on January 24, 2020

केसीको अभियानको सफलतालाई अन्य सपांगहरुसंगको सफलतासंग तुलना गर्न मिल्दैन । उन्को सफलताले विस्वकै ध्यान तान्न सफल हुने भएकोले यस्लाई राष्ट्रिय गरिमासंग पनि जोडेर हेरिनु पर्ने हुन्छ र उन्को यो अभियानलाई सफल तुल्याउन सबैले नागरिकीय र पदीय दायित्वबोध गरी आ-आफ्नो स्तर र क्षमता अनुरुप सहयोग गर्नु पर्ने देखिन्छ ।

केसी आफ्नो अभियानमा सफल हुनु भनेको दृष्‍टिबिहिनद्धारा विस्वको सर्बोच्च शिखर सगरमाथा सफल आरोहण गर्नेमा उहाँ संसारकै दोश्रो र नेपालको पहिलो हुनुहुनेछ ।

रामकुमार श्रेष्ठ

Amit KCसंभावनाभित्र असीमित आकांक्षा लुकेको हुन्छ र जस्ले ती असीमित आकांक्षाका संभावनाहरुलाई संभव तुल्याउन सामान्यपनाको घेरा तोड्न प्रतिबद्धताका साथ तदनुरुप अगाडि बढ्छ त विस्व उस्कै वरिपरि घुम्न पनि सक्छ । सपांग भनिने कयौंद्धारा कुनै समय अपहेलित हुन्थे कुनै समयमा अपाङ्गहरु, तर अहिले तिनै अपांगहरुमध्ये केहीले आफ्ना असीमित अबिस्वसनिय आकांक्षाहरुलाई संभव तुल्याएका कारण विस्वकै ध्यान आकृस्ट गरी स्तुतिय र पुजनिय हुन सफल भएका छन । त्यस्तै संभावना बोकेकाहरुमध्येमा एकजना बाग्लुङ निवासी दृष्‍टिबिहिन अमिट केसी देखा परेका छन विस्वकै सर्बोच्च शिखर सगरमाथा आरोहणको अभियानमा लागेर र यस्का लागि गरिराखेको शिक्षण पेशा समेत छाडेर अभियानमा जुटिराखेका छन नेपाल सरकारको भिजिट नेपाल २०२० कार्यक्रमकै सन्दर्भ पारेर यही अप्रिलदेखिको कार्यक्रम सार्वजनिक गर्दै ।

शिक्षण पेशालाई समेत छाडेर दृष्‍टिबिहिन केसी यही अप्रिल महिनामा सगरमाथा आरोहणको पुन: प्रयाशमा छन र उन्को यो अभियान सफल भएको खण्डमा उनी संसारको सर्बोच्च शिखर सगरमाथा सफल आरोहीको रुपमा नेपालको पहिलो र संसारकै दोश्रो दृष्‍टिबिहिन ब्यक्ति बन्नेछन । यस अघि अमेरिकी दृष्‍टिबिहिन एरिक वेइहेनमाएरले २५ मै २००१ मा सगरमाथा सफल आरोहण गरी संसारकै पहिलो दृष्‍टिबिहिन सगरमाथा आरोहीको रुपमा आफ्नो नाम लेखाउन सफल भैसकेका छन ।

यो अभियानमा बिगत ७ बर्षदेखि लागिरहेका केसीले २०७२ बैशाख ८ गते सोलुखुम्बूको ६१८६ मिटर उचाइको आइसल्याण्ड पिक र र सोही बर्षको चैत्र ८ गते सोही जिल्लामा अबस्थित ६६५४ मिटर उचाइको मेरापिक समेत सफल आरोहण गरिसकेका छन । लायन्स क्लब अफ इण्टरनेशनल स्थापना भएको १०० बर्ष पुगेको उपलक्षमा लायन्स क्लब अफ इण्टरनेशनल र नेपालको झन्डा लिएर २०१७ मा सगरमाथा आरोहणमा जुटेका उनी चौथो आधार शिबिर (साउथ कोल) मा पुग्दा मौसमको खराबीका कारण करीब ३६ घण्टा त्यही बिताउँदा अक्सिजन सकिएकोले ८००० मिटरमा पुगेर पनि उन्को त्यो बेलाको प्रयास सफल हुन सकेको थिएन ।

Read the rest of this entry »

Posted in Article, लेख/ रचना /निबन्ध | Leave a Comment »

संसारले चिनेको नेपाली बिल गेट्स मुनि शाक्य नेपालमा नै गुमराहमा किन?

Posted by Ram Kumar Shrestha on December 16, 2019

रामकुमार श्रेष्ठ

1

आइबिएम कम्पुटरभन्दा २ बर्ष पहिला नै १९७९ मा माइक्रो कम्पुटर, एउटै कम्युटरमा भएको कामलाई २०० भन्दा बढी कम्प्युटरबाट हेरन सकिने सुपर कम्पुटर २००६ मा, १९८३ मा देवनागरी पहिलो नेपाली कम्प्युटर र अहिले ३५ वाटमा चल्ने टेरेवाइट क्षमताको ग्रीन कम्प्युटर, १० बर्ष अगावै नेपालीमा बोल्ने रोबर्ट, एक दशक अगाडिदेखि नै कालिकोट जस्तो बिकट ठाउँमा स्वास्थ्य सुबिधाको अभावमा स-साना समस्याका कारण मानिसको मृत्यु भैराखेकोले आँफैले बनाएको ग्रीन कम्प्युटर मार्फत पहिला प्राबिधिकलाई तालिम दिएर  Telemedicine in Kalikot’ कार्यक्रम मार्फत काठमाण्डौंबाट नै डाक्टरको सुबिधा अनलाइन उपलब्ध गराएर अहिलेसम्म हजारौंको ज्यान जोगाउने लगायत थुप्रै आबिस्कार गर्ने नेपाली बैज्ञानिक ७० बसन्त पार गरिसकेर पनि अझै सकृय मुनि शाक्यलाई १९७९ मा नै माइक्रो कम्पुटर बनाए लगत्तै चिनिया दूताबासबाट एकजना आएर भेटेपछि उन्का बारेमा झन्डै ८० भाषामा प्रकाशित समाचार मार्फत उहाँको आबिस्कारबारे त्यही बेलामा नै संसारभरी सनसनी फैलियो ।

Computer Museum

नेपाली कम्प्युटर बैज्ञानिक शाक्यद्धारा बिकास गरिएको प्रबिधि जापानिज नागरिकले समेत किनेर लगेका छन । Read the rest of this entry »

Posted in Article, लेख/ रचना /निबन्ध | Leave a Comment »

डा. भट्टराई प्रधानमन्त्रीपछि प्राध्यापनमा लागेका भए ऐतिहासिक पुरुष बन्थे

Posted by Ram Kumar Shrestha on October 7, 2019

नेपालको सन्दर्भमा एकपटक प्रधानमन्त्री वा मन्त्री वा सांसद भएपछि आजीवन सोही रवाफमा बाँच्ने जुन संस्कार छ यो पनि  देशलाई अगाडि बढन नदिने प्रमुख कारणहरुमध्येकै एक हो । विकसित मुलुकहरुमा बढीमा दुई कार्यकलापस्चात आफ्नो पुरानो पेशामा फर्कने वा अन्य केही काम गर्ने प्रचलन छ । अत: डा भट्टराई प्रधानमन्त्री बनेपछि नै नभए पनि नयाँ पार्टी खोल्नुको अलावा पहिला चर्चामा आए अनुरुप प्राध्यापन क्षेत्रमा लागेका भए देशलाई यथास्थितिमा राख्ने एउटा प्रमुख कारणको संस्कार तोड्ने पहिलो पूर्व प्रधानमन्त्री बनी ऐतिहासिक पुरुष बन्न पुग्थे ।  

रामकुमार श्रेष्ठ

BRपूर्व प्रधानमन्त्री तथा समाजवादी पार्टीका संयोजक डा. बाबुराम भट्टराई १८ साउन शनिबार बिहान त्रिवि ग्रामीण विकास केन्द्रीय विभागमा विद्यावारिधिको शोध (पीएचडी थेसिस) गरिरहेका विद्यार्थीलाई ‘नेपालको अर्थ राजनीतिको दिशा’ शीर्षकमा प्राध्यापन दिने भूमिकामा देखा परे कीर्तिपुरस्थित त्रिभुवन विस्वविद्यालय पुगेर ।

केही बर्ष अगावै डा भट्टराईले नेपालीले आफूलाई यो भूमिकामा देख्न पाउने बताएका थिए । त्यसो त पूर्व रास्ट्रपति डा रामबरण यादवले चिकित्सकीय सेवामा फर्कने, नेपाली कांग्रेसका नेता रामचन्द्र पौडेलले पढाउने र पूर्व सभामुख सुवासचन्द्र नेम्बाङ कालो कोट लगाउन शुरु गर्ने कुरा पनि नआएका होइनन, तर सबै नेपालका नेताको भाषण बन्न पुगे । Read the rest of this entry »

Posted in Article, लेख/ रचना /निबन्ध | Leave a Comment »

विस्व अहिंसा दिवस – नेपालले विस्वब्यापी विशेष दिन बनाउन सक्ने दिन

Posted by Ram Kumar Shrestha on October 6, 2019

Peaceआज अक्टोबर २ तारिख – विस्व अहिंसा दिवस । यो दिवस “विस्वमा कुनै पनि राजनैतिक या सामाजिक परिवर्तन या रुपान्तरणका लागि हिंसाको मार्ग अवलम्बन नगर्ने” भन्ने सिद्धान्तमा आधारित छ ।

विस्वमा नै अहिंसाका लागि विस्व समाजले मानेका अहिंसाबादी नेता महात्मा गान्धीको जन्मदिन पनि हो आज । सामाजिक न्यायमा अहिंसाको भूमिका अतुलनिय हुने भएकोले अहिंसा सामाजिक न्यायको वास्तबिक आधार बन्न सक्यो भने मात्रै सामाजिक न्यायले मूर्त रुप लिन सक्छ जुन बिशेष गरी कुर्सीमा बस्नेहरुले प्रत्यक्ष परोक्ष रुपमा साधन, श्रोत र अधिकारको दुरुपयोग गर्ने गरेबाट हुन सकेको देखिन्न ।

विस्व अनि मानब इतिहासले हिंसा र द्धन्दका कैयन घटनाक्रमहरुको सामना गर्दै आएको छ । नीजि वा समूहगत वा राष्ट्रिय स्वार्थ प्राप्ती चाहनाले बिभिन्न स्तरको युद्धको अवस्थाको सिर्जना गर्छ । आफ्नो नीजि स्वार्थ प्राप्तीका लागि एउटा ब्यक्ति वा संस्थाले आफूलाई सामाजिक र सकारात्मक सोंचको पक्षपाती भन्दाभन्दै पनि पछाडि बसेर नकारात्मक काम कुराको लागि अथाह धन र श्रोतको प्रयोग गरिराखेका हुन्छन र यसरी लगाम लगाउनेका कारण सिर्जित समस्या झन जघन्य अपराध हो यस्ले निम्त्याउने जटिलताका कारण । न त त्यसो गर्नेबारे जन अनभिज्ञता हुने नै हो ।

Read the rest of this entry »

Posted in Article, लेख/ रचना /निबन्ध | Leave a Comment »

नेपाली खेल जगतका उदियमान तारा रोमी गिरी

Posted by Ram Kumar Shrestha on September 25, 2019

रामकुमार श्रेष्ठ

बुद्ध जन्मेको देश र शान्तिको देशबाट विश्व तेक्वान्दो महासंघ तथा नेपाल तेक्वान्दो संघको प्रतिनिधित्व गर्दै म नेपालकी छोरी २३ वर्षीया रोमी गिरी यहाँहरु माझ उपस्थित छु….राष्ट्रसंघमा बोलिसकेपछि रोमीलाई लाग्यो “अब अझै धेरै चुनौतीसँग जुध्न सक्ने र जिम्मेवारी सम्हाल्ने ताकत राख्नुपर्छ” भलै यो नै उनको पहिलो अन्तर्राष्ट्रिय सहभागिता भने थिएन ।

विस्वभरका तेक्वान्दो खेलाडीहरुको प्रतिनिधित्व गर्दै संयुक्त राष्ट्रसंघको मुख्यालयमाa मन्तव्य दिन जाने भएपछि रोमी गिरीलाई मैले सन्देश पठाएँ, “बहिनी, मन्तब्य दिने क्रममा बिशेष गरी केही प्राबिधिक कारणले गर्दा वुद्ध जन्मस्थल बिषयमा विस्वब्यापी दिग्भ्रम सिर्जना भएको कारण  नेपाललाई वुद्धको जन्मभूमिको रुपमा उल्लेख गर्न नभुल्नू है” ।

एउटा सच्चा राष्ट्रबादीको लागि यो प्रस्ताब अस्वीकार्य हुने भन्ने कुरै थिएन र उताबाट  स्वीकारोक्तियुक्त जबाफ आयो ।

२९ अप्रिल, सन् २०१६ का दिन रोमी गिरीले राष्ट्र संघमा मन्तब्य दिने क्रममा “बुद्ध जन्मेको देश र शान्तिको देशबाट विश्व तेक्वान्दो महासंघ तथा नेपाल तेक्वान्दो संघको प्रतिनिधित्व गर्दै म नेपालकी छोरी २३ वर्षीया रोमी गिरी यहाँहरु माझ उपस्थित छु…” भन्दै शुरु गरिन ।

रोमीले राष्ट्र संघमा मन्तब्य दिराख्दा कार्यक्रममा संयुक्त राष्ट्रसंघका महासचिव बान कि मुन, अन्तर्राष्ट्रिय ओलम्पिक कमिटीका अध्यक्ष थोमस बच लगायत अन्तराष्ट्रिय खेल जगतका विशिष्ट व्यक्तित्व र खेलाडीहरुको उपस्थिति भएकोले त्यो क्षण रोमी वा उनको परिवारका लागि मात्र नभएर नेपाली तेक्वान्दो तथा खेलकुद क्षेत्रका लागि गर्विलो क्षण थियो । राष्ट्र संघमा त्यसरी मन्तब्य दिने सबैभन्दा कम उमेरकी नेपाली युवती पनि भएकीले त्यो क्षण संपूर्ण नेपालीको लागि पनि गर्बिलो क्षण थियो । Read the rest of this entry »

Posted in Article, लेख/ रचना /निबन्ध | Leave a Comment »

सन्नी लियोनीका कारण अस्ट्रेलियामा संसदिय उम्मेदवारी नै रद्ध

Posted by Ram Kumar Shrestha on September 20, 2019

हाम्रा बयस्कहरु वयस्क फिल्मका स्टार नेपाल आएको बेलामा आफ्नो अधिकारको उपभोग गर्नु कुनै आस्चर्यको कुरा होइन, तर पनि त अस्ट्रेलियन पार्टीले अबलम्बन गरेको पार्टिगत संस्कार जस्तै हाम्रो संस्कारलाई आदर गर्ने बयस्कहरुलाई पनि त आफ्नो अधिकार र दायित्व पुरा गर्ने अधिकार पनि त छ नि । 

लिबरल पार्टीका प्रबक्ताले नितिनले भिक्टोरिया राज्यको थोमसटाउनबाट दिएको संसदिय चुनावको उम्मेदवारीप्रति लिबरल पार्टीको तर्फबाट कुनै समर्थन नभएको घोषणा गरिदिए । कारण थियो भारतीय मूलकी क्यानडाबासी सन्नी लियोनी बयस्क फिल्म स्टार हुनु ।

रामकुमार श्रेष्ठ

Sunny-Leone-Feature-Final-300x200अहिले जस्तो युट्युब र र समाचारको शेयरिङ्ग र भ्यु बढाउने प्रश्न त थिएन नै त्यो बेला र पनि जब “महान” फिल्म शुटिङका लागि अमिताभ बच्चन र जीनत अमान नेपाल आए त्यो बेला पनि अनियन्त्रित भीडको कमी पटक्कै भएन । त्यो बेलाको भीडभाडको कारण शुटिङ हुने वरिपरीका स्थानिय वासिन्दा मात्रै नभएर कयौं कलेजहरु शुटिङको समयमा अघोषित रुपमा बन्द प्राय: जस्तै हुने गर्थे ।

कृष्ण मन्दिर क्षेत्रमा सो फिल्मको शुटिङ भएको बेलामा टाँढाको कालेजका युनिफर्म लगाएकाहरुको प्राचुर्यता नसुहाउने भए पनि त्यस्तो भैदियो पनि । त्यहाँ भीड अनियन्त्रित भएकोले शुटिङस्थलको सुरक्षाको कारण सुरक्षा निकायका ब्यक्तिहरुले पछाडि धकेल्ने क्रममा एकजना पूर्व पररास्ट्र मन्त्रीका छोरालाई पनि अलिक बढी नै ठेलेछन । मन्त्रीका छोरोले भनेछन, “मान्छे चिनेर ठेल” । प्रत्येक मन्त्रीका छोराछोरीलाई प्रत्येक सुरक्षाकर्मीलाई चिन्नै पर्ने भन्ने पनि छैन नि ।

त्यो बेला पनि अहिलेको जस्तो फेसबुक भैदिन्थ्यो भने नेपालीहरुको लाइभ, को कहाँबाट हिंडेर कहाँ पुग्यो जस्ता अपडेट र फोटो पोस्टिङका कारण फेसबुकले राम्रै दबाब थेग्नुपर्ने हुन सक्थ्यो ।

एउटा कलेजको त्यो बेला निकै चर्चा चल्थ्यो जता पनि सो कलेजको युनिफर्म लगाउनेको भीडभाड देखिनाले । चर्चासंगै आलोचना पनि त्यत्तिक्कै हुन गएको थियो सो कलेजको । अमिताभ बसेको होटेलमा समेत युनिफर्म सहितको भीडका कारण अमिताभले “रोमान्स मार्केट” शब्दवली प्रयोग गरिदिए । त्यसो भनेकोमा बिरोध गर्ने गर्दै रहे भीड लाग्ने लागिरहे । सबैले आ-आफ्नो अधिकारबोध त गरे, कर्तब्यबोध गर्न भने सबैले बिर्सिदिए । युवा युवती भीडभाड लाग्न जान्थे, तिनैका गुरु, माता तथा पिता बिरोध गर्थे । Read the rest of this entry »

Posted in Article, लेख/ रचना /निबन्ध | Leave a Comment »

सामाजिक क्षेत्रमा सँगै काम गरेका व्यक्तिको सम्झनामा डा. देवकोटा : थियो माटोप्रति अगाध प्रेम

Posted by Ram Kumar Shrestha on September 18, 2019

डा. उपेन्द्रले सरकारी सेवामा रहँदा नसा तथा न्यूरो विशेषज्ञ डाक्हटररूको ठूलो जमात उत्पादन गर्नुभयो । निजी प्रयासबाट उहाँले सञ्चालन गरेको बाँसबारीस्थित न्यूरो अस्पताल त्यही सोचको उपज हो ।

आफू गए पनि लाखौंको मन मस्तिस्कमा आफूप्रतिको अगाध श्रद्धाको विजारोपण गरेर जानुभयो । यही त हो महानता  !

रामकुमार श्रेष्ठ Ramkumar_Shrestha_Upendraडा उपेन्द्र देवकोटाको सम्झनामा लेखिएको लेख

वीर अस्पताल र न्यूरो हस्पिटलमा कार्यरत रहेर ३० वर्षको अवधिमा १८ हजार जनाको शल्यक्रिया गर्ने र १० लाख बिरामीलाई जाँच्ने आफ्नो पुस्ताकै चर्चित र सफल न्यूरो सर्जन मात्रै नभएर र टाउको जोडिएको जुम्ल्याहाको सिंगापुरमा गरिने शल्यक्रियाको अन्तर्राष्ट्रिय टोलीको नेतृत्व गरी न्यूरो जगतमा आफूलाई ख्यातिप्राप्त व्यक्तित्वको रूपमा स्थापित गर्न सफल पूर्वमन्त्री डा. उपेन्द्र देवकोटा लन्डनको किङ्स अस्पतालमा पित्तथैलीको क्यान्सरको उपचारार्थ ६ महिनाभन्दा लामो समय व्यतित गरेपनि केही नलागेपछि स्वदेशमा नै देहत्याग गर्ने इच्छाबमोजिम स्वदेश फर्किनुभएको थियो ।

त्यत्तिले मात्रै चित्त नबुझेर बिरामी अवस्थामा नै आफू जन्मेको घरको पिँढीमा सुस्ताउने र त्यहाँको सिस्नेधाराको पानी पिउने इच्छा गरेबमोजिम उहाँलाई गत जेठ २६ गते हेलिकप्टरमा त्यहाँ लगिएको थियो । त्यहाँ पीडासँग जुधिरहेका उहाँ सयौं शुभचिन्तकमाझ घेरिँदा मुहारमा चमकता देखियो । चम्चाबाट दुईपटक सिस्नेधाराको पानी पिउँदा अमृत पिएसरी भो उहँलाई बाल्यकालमा पिउने गरेको जन्मभूमिको जल । त्यो जल पिउनासाथ डा. देवकोटाको मुहारमा अलौकिक कान्ति छायो । उहाँले सञ्चो महसुस गर्नुभयो । लाखौं नेपालीको शुभेच्छाका बाबजुद् ४ असारका दिन आफैंले स्थापना गरेको बाँसबारीस्थित न्यूरो अस्पतालमा ६४ वर्षको उमेरमा ५ बजेर ३५ मिनेट जाँदा भएको निधनसंगै न्यूरो सर्जरीका ‘शिखर पुरुष’को देहावसान भएको छ ।

विक्रम सम्वत २०११ सालमा जन्मिएर गोरखाको अमरज्योति जनता मावि लुइँटेलबाट विद्यालय शिक्षा पूरा गर्नुभएका पूर्व प्रधानमन्त्री डा. बाबुराम भट्टराईका सहपाठी डा. उपेन्द्रले अमृत साइन्स क्याम्पसबाट आइएस्सी गर्दा बायोलोजीमा कसैले पनि फस्ट डिभिजन अंक ल्याउन नसकेकोमा उहाँले १ नम्बरले डिस्टिङ्सन ल्याउन सकेनन् । शिक्षा मन्त्रालयको छात्रवृत्तिमा उहाँले भारतको आसाम मेडिकल कलेजबाट एमबीबीएस गर्नुभयो । Read the rest of this entry »

Posted in Article, लेख/ रचना /निबन्ध | Leave a Comment »

 
%d bloggers like this: